Кіраўнік - Куляшова Людмiла Мiкалаеўна

     Давайце на хвілінку перанясемся ў "беларускую хатку", якая некалі напамінала нам сялянскую, бо

Усе мы з хат,

Усе мы з цішыні,

З бабуліных, дзядуліных далоняў.

(З "Народнага жыцця слова")

Рэалізаваць ідэю стварэння кутка ўдалося ў 2010-2011 гадах. Два гады вялася мэтанакіраваная работа па збору прадметаў музейнага прызначэння.

Куток “Беларуская хатка” быў створаны з мэтай адраджэння роднай мовы, культуры, абрадаў, нацыянальных традыцый, прывіцця падрастаючаму пакаленню цікавасці і павагі да матэрыяльных і духоўных каштоўнасцей, выхавання пачуцця патрыятызму і нацыянальнай годнасці.

У фондзе нашай хаткі знаходзіцца звыш 80 экспанатаў музейнага прызначэння. Асноўная маса экспанатаў – гэта натуральны прадукт, якімі карысталіся сяляне. Яны сабраны з розных мясцін Беларусі.

 Пакрыху куток папаўняецца новымі экспанатамі, якія па-мастацку ўвасоблены ў разделах:

- Бабін кут 

- Чырвоны кут

- Ткацтва і вышыўка

 У кутку можна ўбачыць саматканыя абрусы, вышытыя ручнікі з бабулінага кудэрку, глтняны посуд, драўляныя рэчы. лапці, якія раней служылі людзям.

 Уявіць традыцыйнае жыцце нашых продкаў і больш даведацца пра звычаі і абрады дапамагае стэнд "Кола часу"

Асноўнае назначэнне беларускаяй хаткі накіравана на:

- пошукава-даследчую дзейнасць вучняў;

- правядзенне мерапрыемстваў, звязаных з нацыянальнай культурай;

- правядзенне абзорных і тэматычных экскурсій. 

 Запрашаем у вандроўку!